04.11.2024. Ўзбекистон темир йўллари” АЖ тизимида 11 ноябр Касаба уюшмалари куни муносабати билан ташкил этилган “Заковат” интеллектуал ўйинининг якуний Республика босқичида “Ўзбекистон темир йўллари” АЖ тасарруфидаги корхона, ташкилот ва муассасаларда фаолият олиб бораётган темирйўлчилардан иборат 49 нафар жамоа иштирок этди.
Якуний Республика босқичида 1-ўринни “Темирйўлинфратузилма” АЖ Тошкент МТУ филиали жамоаси қўлга киритиб, “Заковат” кубоги, диплом ва қимматбаҳо совғалар билан тақдирланишди. 2-ўринни “1-сон Энергомонтаж поезди” МЧЖ жамоаси, 3-ўринни “Темирйўлинфратузилма” АЖ Қўнғирот МТУ филиали Хоразм ҳудуди жамоалари қўлга киритиб, диплом ва қиммматбаҳо совғалар билан рағбатлантирилди.

Қолган барча жамоалар ҳам китоблар жамланмаси билан рағбатлантирилди.