![[:uz]Ўзбекистон касаба уюшмалари Федерациясининг Портали[:ru]Портал Федерации Профсоюзов Узбекистана[:oz]Oʻzbekiston kasaba uyushmalari Federasiyasining Portali[:uzl]Oʼzbekiston kasaba uyushmalari Federatsiyasining Portali[:]](https://kasaba.uz/wp-content/uploads/2024/04/cropped-ohirgi-logo_kasaba_v13-removebg-preview.png){kind=logo}
Ўзбекча 
Русский
11.02.2025. Бугун “Тўрақўрғон иссиқлик электр станцияси”да бошланғич касаба уюшмаси ташкилотининг ҳисобот-сайлов конференцияси бўлиб ўтди.
Унда станция таркибий бўлинмаларидан сайланган 57 нафар делегат иштирок этди.
Шунингдек, конференцияда Ўзбекистон энергетика, нефт-газ ва геология ходимлари касаба уюшмаси Республика Кенгаши раиси ўринбосари О. Исмаилов ва “Иссиқлик электр станциялари” АЖ Бирлашган касаба уюшмаси қўмитаси раиси А. Рустамов иштирок этди.
Конференция кун тартибига кўра, қўмитанинг 5 йиллик фаолияти бўйича қўмита раиси ва тафтиш комиссиясининг ҳисоботлари тингланди ҳамда муҳокама қилинди.
Шунингдек, касаба уюшмаси қўмитасининг раиси ва таркиби, тафтиш комиссияси таркиби ва раиси, шунингдек, “Иссиқлик электр станциялари” АЖ Бирлашган касаба уюшмаси ташкилотининг конференциясига делегатлар сайланди.
Делегатлар томонидан яширин овоз бериш йўли билан Тўрақўрғон ИЭС касаба уюшмаси қўмитаси раиси этиб Суюмов Абдуқаххор Абдурасул ўғли сайланди.