01.04.2025. Сирдарё вилояти Ички ишлар бошқармасида амалдаги жамоа шартномасининг 2024 йилда бажарилиши муҳокамасига бағишланган меҳнат жамоасининг умумий йиғилиши ҳамда бирлашган касаба уюшмаси қўмитасининг ҳисобот-сайлов конференцияси ўтказилди.
Амалдаги жамоа шартномаси бандларининг 2024 йилда бажарилиши бўйича қилинган ишлар сарҳисоб қилинди.
Бирлашган касаба уюшма қўмитаси ҳисобот-сайлов конференциясида сайланган делегатлар иштирок этди. Бирлашган касаба уюшма қўмитаси раиси томонидан ўтган давр мобайнида касаба уюшмаси томонидан амалга оширилган ишлар тўғрисидаги ҳисобот йиғилиш қатнашчиларига ўқиб эшиттирилди ва делегатлар томонидан бирлашган касаба уюшма қўмитасининг фаолияти қониқарли деб баҳоланди.
Очиқ овоз бериш йўли билан делегатлар томонидан бирлашган касаба уюшма қўмитаси раиси ва унинг аъзолари, тафтиш комиссияси раиси ва унинг аъзолари, шунингдек, тармоқ касаба уюшмаси Сирдарё вилоят Кенгаши ҳисобот-сайлов конференциясига делегатлар сайланди.