11.04.2025. 2025 йил 5 апрель куни “Ўзбекистон темир йўллари” АЖ Бошқаруви касаба уюшмаси қўмитасининг VIII ҳисобот-сайлов конференцияси бўлиб ўтди. Тадбирда Ўзбекистон касаба уюшмалари Федерацияси вакиллари ҳамда соҳавий касаба уюшмаси аъзолари иштирок этдилар.

Конференцияда 2020–2025 йиллар давомида қўмита томонидан амалга оширилган ишлар таҳлил қилинди. Ходимларнинг ижтимоий-иқтисодий манфаатларини ҳимоя қилиш, меҳнат шарт-шароитларини яхшилаш йўлидаги ютуқлар ва долзарб масалалар муҳокама этилди. Шунингдек, келгусидаги устувор вазифалар белгилаб олинди.

Овоз бериш якунларига кўра, Умарова Шахло Абдуварисовна “Ўзбекистон темир йўллари” АЖ Бошқаруви касаба уюшмаси қўмитаси раиси лавозимига қайта сайланди.