[:uz]Ўзбекистон касаба уюшмалари Федерациясининг Портали[:ru]Портал Федерации Профсоюзов Узбекистана[:oz]Oʻzbekiston kasaba uyushmalari Federasiyasining Portali[:uzl]Oʼzbekiston kasaba uyushmalari Federatsiyasining Portali[:]
+998 71 252-21-18

Сайт синов тариқасида ишга туширилган

Касаба уюшмасига 60 йилик бахшида умр

18.04.2025

24

18.04.2025. Бу йил Ўзбекистон касаба уюшмалари ўзининг 120 йиллик юбилейини нишонлайди.

Мазкур сана муносабати билан Ўзбекистон маданият, спорт ва туризм ходимлари касаба уюшмаси Республика кенгаши бир қатор тадбирларни ўтказмоқда.

Ана шундай тадбирлардан бири куни кеча Ўзбекистон Давлат Сатира театрида бўлиб ўтди.

Ўзбекистон халқ артисти, халқимизнинг суюкли санъаткори Ҳайрулла Сагдиев мана олтмиш йилдирки Ўзбекистон Давлат Сатира театрида касаба уюшма қўмитаси раиси сифатида фаолият олиб бормоқда. “Касаба уюшмасига 60 йилик бахшида умр” деб номланган тадбирда таниқли санъаткорлар, олийгоҳлар талабалари ва жамоатчилик вакиллари иштирок этдилар.

Тадбир давомида устоз санъаткорнинг нафақат ижодий фаолияти, балки, бошланғич касаба уюшмаси раиси сифатидаги фаолияти тўғрисида ҳам кўплаб ижобий фикрлар билдирилиб, кўп йиллик самарали меҳнатлари эътироф этилди.

Соҳа ривожига, шунингдек, касаба уюшмаларининг жамиятдаги нуфузини оширишга салмоқли ҳисса қўшиб келаётгани учун Ўзбекистон халқ артисти Ҳайрулла Сагдиевга Ўзбекистон касаба уюшмалари Федерацияси томонидан “Ўзбекистон касаба уюшмалари лауреати” мукофоти топширилди.

Ўзбекистон касаба уюшмалари Федерацияси Матбуот хизмати