21.05.2025. Гулистон олимпия ва паралимпия спорт турларига тайёрлаш марказида бу гал таълим муассасалари ходимлари майдонга тушишди. “Беш ташаббус олимпиадаси” доирасида Ўзбекистон касаба уюшмалари Федерациясининг Сирдарё вилояти кенгаши кубоги учун ўтказилган спорт мусобақалари қизғин руҳда ўтди.
Мусобақаларда 500 га яқин иштирокчи спортнинг стол тенниси, шахмат, шашка, мини-футбол ва волейбол турлари бўйича ғолиблик учун баҳс олиб боришди. Қизғин беллашувлар жараёнида маълум бўлдики, таълим соҳаси ходимлари орасида спорт билан мунтазам шуғулланувчилар жуда кўп.
Жисмоний тарбия ва спорт билан шуғулланувчилар сонини ошириш, таълим муассасалари ходимларини спорт тадбирларига кенг жалб этиш каби мақсадларда ташкил этилган “Соғлом танда — сифатли таълим” шиори остидаги беллашувлар ҳакамлар ҳайъати томонидан доимий кузатилиб, баҳолаб борилди.
Эркаклар ва аёллар жамоалари фаол иштирок этган мусобақалар ниҳоясига етди ва ғолиблар аниқланди. Умумжамоа ҳисобида мутлоқ ғолиб деб топилган Гулистон тумани жамоаси Ўзбекистон касаба уюшмалари Федерациясининг Сирдарё вилояти кенгаши кубогини қўлга киритди. Шунингдек, ғолиб жамоага 30 миллион сўм пул мукофоти ҳамда вилоят спорт бошқармасининг эсдалик совғалари тантанали равишда топширилди.
![[:uz]Ўзбекистон касаба уюшмалари Федерациясининг Портали[:ru]Портал Федерации Профсоюзов Узбекистана[:oz]Oʻzbekiston kasaba uyushmalari Federasiyasining Portali[:uzl]Oʼzbekiston kasaba uyushmalari Federatsiyasining Portali[:]](https://kasaba.uz/wp-content/uploads/2024/04/cropped-ohirgi-logo_kasaba_v13-removebg-preview.png)



Ўзбекча
Русский