![[:uz]Ўзбекистон касаба уюшмалари Федерациясининг Портали[:ru]Портал Федерации Профсоюзов Узбекистана[:oz]Oʻzbekiston kasaba uyushmalari Federasiyasining Portali[:uzl]Oʼzbekiston kasaba uyushmalari Federatsiyasining Portali[:]](https://kasaba.uz/wp-content/uploads/2024/04/cropped-ohirgi-logo_kasaba_v13-removebg-preview.png){kind=logo}
Ўзбекча 
Русский
30.05.2025. 30 июнь — Ёшлар куни муносабати билан Ўзбекистон касаба уюшмалари Федерациясининг Навоий вилоят кенгаши ҳамда ҳамкор ташкилотлар иштирокида ёшларга бағишланган тадбир ташкил этилди.
Куни кеча Навоий шаҳридаги Санъат галереясида 18–30 ёшли ёшлар ўртасида “Орзулар дунёси” номли ижодий танлов бўлиб ўтди.
Танлов Ўзбекистон Халқ демократик партиясининг Навоий вилоят кенгаши, Ногиронлар жамияти, Ўзбекистон касаба уюшмалари Федерациясининг Навоий вилоят кенгаши, Маданият бошқармаси ва Санъат галереяси ҳамкорлигида ташкил этилди.
Танловнинг туман босқичларида 70 нафар ёш иштирок этди, финалда эса 21 нафар ғолиб вилоят босқичида ўз ижодий ишларини тақдим қилди.
Ғолиблар 1-, 2- ва 3-даражали дипломлар билан, иштирокчилар эса фахрий ёрлиқлар ва қимматбаҳо совғалар билан тақдирланди.
Тадбирда Ўзбекистон касаба уюшмалари Федерациясининг Навоий вилоят кенгаши раиси Назира Тоғаева барча ёшларга самимий тилакларини билдирди ва тадбир якунида иштирокчиларга вилоят кенгаши номидан эсдалик совғаларини топширди.