Previous Next

08.07.2025. Ўзбекистон Касаба Уюшмалари Федерацияси томонидан Фарғона вилояти, Фарғона тумани “Лоғон” маҳалла фуқаролар йиғини ҳудудида “Билимдон” болалар соғломлаштириш оромгоҳи фойдаланишга топширилди. Мустақиллигимизнинг 34-йиллиги арафасида очилган ушбу оромгоҳ фарғоналик болажонлар учун ҳақиқий байрам туҳфаси бўлди.

Тантанали очилиш маросимида Ўзбекистон Касаба Уюшмалари Федерацияси, Фарғона вилояти ҳокимлиги, кенг жамоатчилик вакиллари, зиёлилар, элимиз ардоғидаги устоз-мураббийлар, таниқли ижодкор ва санъаткорлар, маҳалла фаоллари, ота-оналар ҳамда болажонлар иштирок этдилар.

Очилишда Ўзбекистон Касаба Уюшмалари Федерацияси раиси ўринбосари, Давлат муассасалари ва жамоат хизмати ходимлари касаба уюшмаси республика Кенгаши раиси, Болаларнинг дам олиши ва соғломлаштирилишини ташкил этиш департаменти директори Анваржон Абдумухторов ҳамда Фарғона вилояти ҳокими Хайрулло Бозоровлар сўзга чиқдилар. Улар Президентимиз томонидан ёш авлод учун яратилаётган улкан имкониятлар, амалга оширилаётган ислоҳотлар ва инсон манфаатлари устувор эканлиги ҳақида тўхталдилар.

Янги оромгоҳ 200 ўринга мўлжалланган бўлиб, мавсум давомида 5 навбатда жами 1 000 нафар бола ёзги дам олишни мазмунли ўтказиши учун барча шароитлар яратилган.

Ушбу маскан жаҳон стандартларига тўлиқ жавоб беради: маданий-маърифий марказ, ўзбек ва жаҳон адабиёти намуналари жой олган кутубхона, тўгарак хоналари, тантаналар майдони, ярим очиқ амфитеатр, тиббиёт хонаси, сузиш ҳавзаси, спорт ва болалар майдончалари, замонавий ётоқ бинолари ҳамда ошхона болажонларнинг эсда қоларли дам олишига хизмат қилади.

— Тўғриси, фарзандим бундай шароитда дам олаётганидан жуда мамнунман, — дейди оромгоҳнинг илк меҳмони Муҳаррамой Маҳмудованинг онаси, Моҳигул Джуманова. — Жараён кўз очариқ, қизиқарли тадбирлар, спорт майдончалари, кутубхона, шинам ётоқхоналар — ҳаммаси болажонларнинг қувонч манбаи.

Илк дам олувчи болалар оромгоҳга келган куни бутун бир олам таассуротларга эга бўлишди. Мазали таомлар, замонавий дизайнли хоналар ва мунтазам ўтказиладиган тўгараклар ёзги дам олишни сермазмун туҳфага айлантирди.

Шубҳасиз, “Билимдон” болалар соғломлаштириш оромгоҳи муассис-ота-оналарга ҳам, болажонларга ҳам буюк ваъда беради: ҳар бир бешикдан чиққан иқтидорли авлодга янги имкониятлар эшигини очади.

Тантанали маросимда оромгоҳ рамзий калити очиқ саволлар билан “Билимдон”нинг ҳақиқий egаси — болажонларга топширилди. Кечада таниқли санъаткорлар ижросида миллий ватанпарварона ва ёшлик таранналари кузатилди.

Ўзбекистон Касаба Уюшмалари Федерациясининг Фарғона вилояти кенгаши