![[:uz]Ўзбекистон касаба уюшмалари Федерациясининг Портали[:ru]Портал Федерации Профсоюзов Узбекистана[:oz]Oʻzbekiston kasaba uyushmalari Federasiyasining Portali[:uzl]Oʼzbekiston kasaba uyushmalari Federatsiyasining Portali[:]](https://kasaba.uz/wp-content/uploads/2024/04/cropped-ohirgi-logo_kasaba_v13-removebg-preview.png){kind=logo}
Ўзбекча 
Русский
14.07.2025. Наманган вилоятида ҳозирги кунда 2 365 та ташкилот касаба уюшмасига аъзо бўлиб, улар орқали 500 мингга яқин ишчи-ходим қамраб олинган.
ЎзКУФ Наманган вилояти Кенгашининг катта мажлислар залида IX ҳисобот-сайлов конференцияси ўтказилди.
Тадбирда Наманган вилояти ҳокими Шавкатжон Абдураззоқов, Ўзбекистон касаба уюшмалари Федерацияси раисининг ўринбосари Анваржон Абдумуҳторов ҳамда ЎзКУФ бош юристи, юридик бўлим мудири Ҳамидилла Премқулов иштирок этиб, конференция қатнашчиларини самимий қутлашди.
Вилоят раҳбари сўзида кейинги йилларда юртимизда инсон қадри устувор бўлган ислоҳотлар натижасида касаба уюшмаларининг жамиятдаги ўрни ва таъсири сезиларли даражада кучайганини алоҳида таъкидлади.
Тадбирда қайд этилганидек, 2025 йил касаба уюшмалари фаолиятида муҳим босқич бўлиб, бу йил кенгашнинг нафақат беш йиллик фаолияти сарҳисоби, балки ҳаракатнинг 120 йиллиги ҳам кенг нишонланмоқда.
Конференция давомида кенгаш раисининг беш йиллик фаолияти бўйича ҳисоботи тингланди. Сўнгра 125 нафар делегат яширин овоз бериш йўли билан Наманган вилояти кенгаши раисини ва унинг ўринбосарини сайладилар.
Сайлов натижаларига кўра, Наманган вилояти кенгаши раиси лавозимига Хасанбой Ибрайимович Хожаев, кенгаш раиси ўринбосари лавозимига Қосимжон Турсуналиевич Холбоев сайланди.