Previous Next

17.07.2025. Самарқанд шаҳрида “Аёллар дафтари: 5 йиллик сарҳисоб — иқтисодий мустақилликдан ижтимоий фаоллик сари” мавзусида учрашув бўлиб ўтди.

Учрашувда Ўзбекистон Республикаси Бош вазир ўринбосари, Оила ва хотин‑қизлар қўмитаси раиси З. Маҳкамова, Ўзбекистон касаба уюшмалари Федерациясининг Самарқанд вилоят кенгаши раиси С. Рафиков ва бошқа иштирокчилар қатнашди.

Шунингдек, “Аёллар дафтари”га киритилган, ишсиз ва фаол ҳаётга интилаётган хотин‑қизлар ҳамда давлат кўмаги орқали иқтисодий мустақилликка эришиб, “Аёллар дафтари”дан чиққан тадбиркор аёллар иштирок этди.

Учрашувда Самарқанд вилоят кенгаши раиси С. Рафиков сўзга чиқиб, мамлакатимизда хотин‑қизларни қўллаб‑қувватлашга кенг эътибор қаратилаётганини фахр билан таъкидлади. У аёллар дафтари тизимининг самаралари, ижтимоий, иқтисодий, ҳуқуқий ва психологик қўллаб‑қувватлаш, билим ва касб ўрганишга эҳтиёжи ва иштиёқи бўлган ишсиз хотин‑қизларни муаммоларини аниқлаш ва бартараф этиш ишлари амалга оширилаётганини ва бу жараёнларда касаба уюшмалари томонидан жамоатчилик назорати ўрнатилганини таъкидлади.

Учрашувнинг асосий мақсади хотин‑қизларни иқтисодий жиҳатдан қўллаб‑қувватлаш орқали уларни ижтимоий фаол шахсларга айлантириш, билим ва кўникмаларини ошириш ҳамда шахсий салоҳиятларини рўёбга чиқаришга кўмаклашишдан иборат.