![[:uz]Ўзбекистон касаба уюшмалари Федерациясининг Портали[:ru]Портал Федерации Профсоюзов Узбекистана[:oz]Oʻzbekiston kasaba uyushmalari Federasiyasining Portali[:uzl]Oʼzbekiston kasaba uyushmalari Federatsiyasining Portali[:]](https://kasaba.uz/wp-content/uploads/2024/04/cropped-ohirgi-logo_kasaba_v13-removebg-preview.png){kind=logo}
Ўзбекча 
Русский
26.08.2025. Куни кеча Нурафшон шаҳар Ватанпарвар боғида Ўзбекистон касаба уюшмалари федерацияси Тошкент вилояти Кенгаши ҳамда Республика маънавият ва маърифат маркази Тошкент вилояти бўлими ҳамкорлигида Ўзбекистон Республикаси давлат мустақиллигининг 34 йиллиги ҳамда Ўзбекистон касаба уюшмалари ҳаракатининг 120 йиллигига бағишланган “Ватан учун, миллат учун, халқ учун!” шиори остида маданий-маърифий тадбир ташкил этилди.
Унда турли тармоқ касаба уюшмалари аъзолари, нуронийлар, маданият ходимлари, таниқли актёрлар ҳамда эстрада юлдузлари иштирок этди.
Байрамона тадбирнинг очилиш қисмида Ўзбекистон касаба уюшмалари федерацияси Тошкент вилояти Кенгаши раиси С. Файзиева, “Нуроний” жамғармаси Тошкент вилояти бўлими раҳбари А. Носиров, Ўзбекистон журналистлар уюшмаси Тошкент вилояти бўлими раҳбари Р. Шералиев сўзга чиқиб, мамлакатимизда ва хусусан Тошкент вилоятида амалга оширилаётган ислоҳотлар, бунёдкорлик ишлари, истиқлолимизни чин маънодаги олий неъмат сифатида таъкидлаб ўтдилар ҳамда яқинлашиб келаётган байрам муносабати билан тадбир иштирокчиларини қутладилар.
Тадбир давомида мустақиллигимиз ва касаба уюшмаларига оид видеороликлар намойиш этилди, шунингдек, санъаткорлар ижросидаги дилтортар мусиқалар иштирокчиларга кўтаринки руҳ бахш этди.