![[:uz]Ўзбекистон касаба уюшмалари Федерациясининг Портали[:ru]Портал Федерации Профсоюзов Узбекистана[:oz]Oʻzbekiston kasaba uyushmalari Federasiyasining Portali[:uzl]Oʼzbekiston kasaba uyushmalari Federatsiyasining Portali[:]](https://kasaba.uz/wp-content/uploads/2024/04/cropped-ohirgi-logo_kasaba_v13-removebg-preview.png){kind=logo}
Ўзбекча 
Русский
26.09.2025. Нурафшон шаҳар “Нуронийлар маскани”да Ўзбекистон Касаба уюшмалари Федерацияси Тошкент вилояти Кенгаши томонидан, Ўзбекистон Ёшлар иттифоқи Тошкент вилояти Кенгаши ҳамда “Заковат” интеллектуал клуби нодавлат-нотижорат ташкилоти ҳамкорлигида Ўзбекистон касаба уюшмалари ҳаракатининг 120 йиллиги муносабати билан “Заковат” интеллектуал ўйини ташкил этилди.
Интеллектуал ўйин ишчи-ходимларнинг бўш вақтларини мазмунли ўтказиш, иқтидорли ёшларга ўз интеллектуал салоҳиятларини намоён этишлари учун шароит яратиш, уларни қўллаб-қувватлаш ва рағбатлантириш мақсадида Тошкент вилоятидаги корхона ва ташкилотларда фаолият юритаётган ёш ишчи-ходимлар ўртасида ўтказилди.
Ўйин давомида жамоалар мантиқий саволлар, касаба уюшмалари фаолияти ва тарихига доир 24 та саволга жавоб излашди.
Интеллектуал ўйинда ғолиблик “Олмалиқ кон-металлургия комбинати” АЖнинг “ОКМК” жамоасига насиб этди. Иккинчи ва учинчи ўринларни эса 42219-сон ҳарбий қисмнинг “Темур ворислари” ҳамда “Ўзбеккўмир” АЖнинг “Кончилар” жамоалари эгаллади.
Ғолиб ва совриндорлар Ўзбекистон Касаба уюшмалари Федерацияси Тошкент вилояти Кенгаши ҳамда Ўзбекистон Ёшлар иттифоқи Тошкент вилояти Кенгаши томонидан диплом ва эсдалик совғалари билан тақдирланди.