Previous Next

04.11.2025. Тошкент давлат иқтисодиёт университетида “11-ноябрь – Ўзбекистон касаба уюшмалари куни” ҳамда Ўзбекистон касаба уюшмалари ҳаракатининг 120 йиллиги муносабати билан “Ўзбекистон касаба уюшмалари — 120 йил халқ билан” шиори остида қатор маънавий-маърифий тадбирлар ўтказилмоқда.

Ушбу тадбирлар доирасида ТДИУ профессор-ўқитувчилари ва ходимлари ўртасида ўтказилган анъанавий волейбол мусобақалари ўз якунига етди. Мусобақаларда университетнинг барча факультетларидан жами 20 та жамоа иштирок этиб, аёллар ва эркаклар йўналишларида ғолиблик учун куч синашди. Беллашувлар гуруҳ босқичидан бошланиб, энг кучли жамоалар ярим финал ва финал босқичларида ўзаро рақобатлашди.

Мусобақанинг финал босқичи кескин ва қизғин баҳсларга бой бўлиб, якуний натижалар қуйидагича бўлди:

Аёл профессор-ўқитувчи ва ходимлар ўртасида:
1-ўрин — Рақамли иқтисодиёт факультети
2-ўрин — Солиқ ва бюджет ҳисоби факультети
3-ўрин — Туризм факультети
4-ўрин — Иқтисодиёт факультети

Эркак профессор-ўқитувчи ва ходимлар ўртасида:
1-ўрин — Менежмент факультети
2-ўрин — Банк иши факультети
3-ўрин — Иқтисодиёт факультети
4-ўрин — Рақамли иқтисодиёт факультети

Шунингдек, турли номинациялар бўйича ғолиб деб топилган иштирокчилар ҳам тақдирландилар.

Қувонарли жиҳати шундаки, ғолиб жамоаларни тақдирлаш маросимида Эстониялик машҳур дзюдочи Индрек Пертелсон ҳам иштирок этди. У ўз спорт фаолияти давомида икки карра Олимпиада ўйинлари совриндори (2 та бронза), икки карра жаҳон чемпионати совриндори (2 та кумуш) ва Европа чемпиони бўлган. Меҳмон спортчи университет вакиллари ва мусобақа иштирокчилари билан самимий суҳбат қилди ва келгусидаги фаолиятга муваффақият тилади.

Эслатиб ўтамиз, “11-ноябрь – Ўзбекистон касаба уюшмалари куни” ҳамда касаба уюшмалари ҳаракатининг 120 йиллиги муносабати билан ўтказилаётган тадбирлар ноябрь ойининг биринчи ўн кунлигида давом этади.