Previous Next

05.11.2025. Ўзбекистон таълим ва фан ходимлари касаба уюшмаси Иштихон туман бўлинмаси кенгаши томонидан Ўзбекистон касаба уюшмалари ҳаракатининг 120 йиллиги ҳамда 11-ноябрь — “Ўзбекистон касаба уюшмалари куни” муносабати билан байрам тадбири бўлиб ўтди.

Тадбирда туман ҳокими Ф.К. Рўзиев, Ўзбекистон касаба уюшмалари Федерациясининг Самарқанд вилоят кенгаши раиси С.А. Рафиқов, Ўзбекистон таълим ва фан ходимлари касаба уюшмаси Республика кенгашининг Самарқанд вилояти бўйича масъул ташкилотчиси И.С. Раҳимов, Иштихон туман мактабгача ва мактаб таълими бўлими бошлиғи Г.И. Саидмуратова, Ўзбекистон таълим ва фан ходимлари касаба уюшмаси Иштихон туман бўлинмаси кенгаши раиси Б. Валиев, бошланғич касаба уюшмаси раислари ҳамда кенг жамоатчилик вакиллари иштирок этди.

Тадбирни туман ҳокими Ф.К. Рўзиев очиб берди ҳамда барчани байрам билан табриклади.

Шундан сўнг Ўзбекистон касаба уюшмалари Федерациясининг Самарқанд вилоят кенгаши раиси С.А. Рафиқов сўзга чиқиб, 2025 йил 17 октябрь куни муҳтарам Президентимиз Шавкат Мирзиёевнинг Ўзбекистон касаба уюшмалари фаоллари ва фахрийлари билан ўтказган учрашуви ҳақида маълумот бериб, касаба уюшмаларининг кўп миллионли аъзоларига билдирилган юксак ҳурмат ва эзгу тилакларни тадбир иштирокчиларига етказди.

Ўзбекистон касаба уюшмалари Федерациясининг IX Қурултойи делегати, 19-мактаб инглиз тили фанининг ўқитувчиси, бошланғич касаба уюшмаси қўмитаси раиси Б.Р. Рўзиева тадбир иштирокчиларига Қурултой таассуротларини баён этди.

Тадбир сўнгида касаба уюшмаси фахрийлари, касаба уюшмаси фаоллари ҳамда ҳамкор ташкилот вакиллари туман бўлинмаси кенгаши томонидан эсдалик совғалари билан тақдирланди.