Previous Next

23.07.2026. Ўзбекистон касаба уюшмалари Федерацияси меҳнат инспекцияси ҳамда Федерациянинг Тошкент шаҳар кенгаши ҳамкорлигида “OʻZLITINEFTGAZ” акциядорлик жамиятида “Комплекс гендер ёндашув асосида давлат органлари ва ташкилотларида гендерга оид аудит ўтказишнинг тартиб-тамойиллари” мавзусида ўқув семинари ўтказилди.

Давлат органлари ва ташкилотларида гендер тенгликни таъминлаш, аёллар ва эркаклар учун тенг имкониятлар яратишга қаратилган мазкур тадбирда давлат бошқаруви тизимида гендер аудити механизмларини амалиётга жорий этиш ҳамда соҳада фаолият юритаётган масъул ходимларнинг билим ва кўникмаларини ошириш масалалари муҳокама қилинди.

Тадбир давомида спикерлар иштирокида давлат ташкилотларида гендер тенглик сиёсати самарадорлигини баҳолаш, кадрлар сиёсатида тенгликни таъминлаш, гендер тенглиги тамойилларини бошқарув тизимига кенг жорий этиш ҳамда уларни таҳлил қилиш билан боғлиқ масалалар кўриб чиқилди.

Ўқув семинарида мавжуд норматив-ҳуқуқий ҳужжатлар ва амалий чора-тадбирлар Ўзбекистоннинг гендер сиёсати соҳасидаги муҳим қадамларидан бири экани, миллий қонунчилик ва амалиётнинг халқаро меъёр ҳамда стандартларга мувофиқлиги мисоллар асосида тушунтирилди.

Шунингдек, сўнгги йилларда мамлакатимизда гендер тенгликни таъминлаш, аёлларнинг ижтимоий-сиёсий ҳаётдаги ўрни ва фаоллигини ошириш бўйича амалга оширилаётган ишлар ҳақида атрофлича маълумот берилди. Иштирокчиларга ташкилот ички сиёсатида гендер тенгликни баҳолаш, мавжуд камчиликларни аниқлаш ва уларни бартараф этиш бўйича амалий кўникмалар ҳам тақдим этилди.

М. Муйитдинова

Ўзбекистон касаба уюшмалари Федерацияси меҳнат инспектори