Previous Next

13.10.2026. Мирзо Улуғбек номидаги Самарқанд давлат техника университети ташкил этилганининг 60 йиллик юбилейи муносабати билан маданий-маърифий тадбир ўтказилди.

Университетида ўтказилган тадбирда, профессор-ўқитувчилар, олимлар, меҳнат фахрийлари ва университет жамоаси иштирок этди.

Ўзбекистон касаба уюшмалари Федерациясининг Самарқанд вилоят Кенгаши раиси Суҳроб Рафиков университет ректори Чидем Жанбай Туркйилмаз ва олий таълим муассасаси жамоасини қутлуғ сана билан самимий табриклади.

Сўзга чиққанлар олтмиш йиллик тарих — бу шунчаки вақт сарҳисоби эмас, балки илмий тафаккур, машаққатли меҳнат, изланиш ва яратувчанлик билан йўғрилган улкан тараққиёт йўли эканлигини алоҳида таъкидладилар. Университетнинг бугунги нуфузи, эришган ютуқлари ва келажакка қаратилган интилишлари, аввало, ўз касбига садоқатли устозлар, фидойи олимлар, тажрибали мутахассислар ҳамда иқтидорли ёшларнинг самарали меҳнати маҳсули эканлиги қайд этилди. Бу даргоҳда берилган билим, шаклланган касбий маҳорат ва юксак инсоний фазилатлар минглаб ёшларнинг ҳаёт йўлини белгилаб, юртимиз тараққиётига хизмат қилиб келаётганлиги таъкидланди.

Тадбир давомида Ўзбекистон касаба уюшмалари Федерациясининг Самарқанд вилоят Кенгаши томонидан университет жамоасига китоблар ва ходимларнинг бир гуруҳига Тошкент шаҳрига саёҳатга юбориш сертификатлари топширилди.