09.12.2016. Касаба уюшмалари томонидан турли сохаларда мехнат қилаётган ишчи-ходимлар ўртасида соғлом турмуш тарзини тарғиб этиш, уларни спортнинг жисмоний тарбия ва спортга кенг жалб қилиш, бу орқали бўш вақтларини сермазмун ўтказишларига кўмаклашиш мақсадида мунтазам равишда турли спорт-соғломлаштириш тадбирлари ўтказиб келинмоқда.

Ўзбекистон Республикаси Конституцияси қабул қилинганлигининг 24 йиллиги муносабати билан  Андижон вилоятининг Асака туманидаги 52-умумтаълим мактабида тумандаги мактаблар ҳамда мактабгача таълим муассасаларида фаолият кўрсатаётган ходимлар ўртасида спортнинг “Волейбол”, “Баскетбол”, “Мини футбол”, “Стол тенниси” турлари бўйича спартакиада мусобақалари ўтказилди. Уларда 200 нафардан ортиқ ўқитувчи ва мураббийлар иштирок этдилар.

Мусобақаларда умумжамоа хисобида 25-умумтаълим мактаби жамоаси I-ўринни, 52-умумтаълим мактаби жамоаси II-ўринни, 29-мактабгача таълим муассасаси жамоаси III- ўринни қўлга киритдилар.

Иштирокчиларга кўтаринки руҳ ва аъло кайфият бахш этган мазкур беллашувларда “Энг ёш спортчи”, “Фаҳрий спортчи”, Энг фаол спортчи” каби номинациялар бўйича ҳам ғолиблар аниқланди.

Ғолиб ва совриндорлар ташкилотчиларнинг Диплом ҳамда совғалари  билан тақдирландилар.