15.05.2017. Пайариқ туман тиббиёт бирлашмаси жамоасида 12 май — Халқаро ҳамширалар куни кенг­ нишонланди.

Меҳнат фаолиятида юқори натижаларга эришган бир гуруҳ ҳамшираларга маъмурият ҳамда касаба уюшма қўмитаси томонидан Фахрий ёрлиқ ва эсдалик совғалари топширилди.

Шунингдек, узоқ йиллар тиббиёт соҳасида меҳнат қилиб, ҳозирда қарилик гаштини сураётган фахрийлардан бир гуруҳига ҳурмат-эҳтиром кўрсатилди.

Байрамга «Ҳамшира — 2017» кўрик-танлови уланиб кетди. Иштирокчилар туман тиббиёт бирлашмаси маъмурияти ҳамда касаба уюшма қўмитаси томонидан эсдалик совғалари билан тақдирланди. Илғор ҳамшираларга «Иймон» спектаклига чипталар такдим этилди.

Санъаткорларнинг чиқишлари тадбирга янада файз киритди.