09.11.2018. Ўзбекистон касаба уюшмалари Федерацияси ва Халқаро меҳнат ташкилоти ҳамкорлигида юртимиздаги олий таълим муассасалари талабалари ўртасида «Заковат» интеллектуал ўйини доирасида ўтказилаётган меҳнат ҳуқуқи мавзуига оид «Талабалар кубоги» турнирининг минтақавий саралаш босқичлари бўлиб ўтди.

Минтақавий саралаш босқичлари тўртта ҳудудда – Самарқанд, Бухоро, Фарғона вилоятлари ҳамда Тошкент шаҳарида ташкил этилди. Уларда республикамиздаги 80 та ОТМ жамоалари иштирок этди.

Маълумот ўрнида айтиб ўтиш керакки интеллектуал турнир юртимизнинг барча ҳудудларидан жами 640 нафар йиги-қизни қамраб олди.

Минтақавий саралаш босқичларида 15 та ОТМ жамоаси энг юқори натижаларни кўрсатиб, финал босқичига йўлланмани қўлга киритдилар. Хусусан,

1. Самарқанд Давлат архитектура-қурилиш институти
2. Самарқанд ветеринария медицинаси институти
3. Самарқанд Давлат университети
4. Қорақалпоқ Давлат университети
5. Урганч Давлат университети
6. Нукус Давлат педагогика институти
7. Андижон Давлат университети
8. Тошкент ахборот технологиялари университетининг Фарғонафилиали
9. Фарғона Давлат университети
10. Жаҳон иқтисодиёти ва дипломатия университети
11. Тошкент Давлат юридик университети
12. Тошкент тиббиёт академияси
13. Тошкент молия институти
14. Тошкен Давлат техника университети
15. Тошкент педиатрия тиббиёт институти

Турнирнинг финал ўйини жорий йилнинг 16 ноябрь куни Тошкент шаҳрида бўлиб ўтади.

Ғолиб жамоа Италиянинг Турин шаҳридаги 1 ҳафталик ўқув семинарида иштирок этиш ҳуқуқини қўлга киритади ҳамда янги йил арафасида бўлиб ўтадиган «Заковат» интеллектуал телекўрсатувининг махсус сонида қатнашиш имкониятига эга бўлади.