Previous Next

14.09.2026. Quvasoy shahrida faoliyatini boshlagan “HANSAE Mobility Turan” MChJ XKda avtomobil’ sanoati uchun ehtiyot qismlar ishlab chiqarish yo‘lga qo‘yilgan. Ayni paytda korxonada 75 nafar ishchi-xodim mehnat qilmoqda.

Metallurgiya va mashinasozlik sanoati tarmoqlari xodimlari kasaba uyushmasi Respublika kengashi raisi Ta’lat Usmonov va mutaxassislar korxonada bo‘lib, ishlab chiqarish jarayoni hamda xodimlar uchun yaratilgan mehnat sharoitlari bilan tanishdi.

Tashrif davomida ishchi-xodimlarning mehnat huquq va manfaatlarini himoya qilish, xavfsiz mehnat sharoitlarini ta’minlash va ijtimoiy qo‘llab-quvvatlash masalalariga e’tibor qaratildi.

Shuningdek, xodimlarga kasaba uyushmasiga a’zo bo‘lishning afzalliklari, uning mehnatkashlar huquq va manfaatlarini himoya qilishdagi o‘rni, maqsad va vazifalari haqida tushuntirishlar berildi.

Muloqot davomida korxonaning bugungi faoliyati bilan bir qatorda, uning kelgusidagi istiqbolli rejalari, ishlab chiqarish quvvatini yanada oshirish, zamonaviy texnologiyalarni joriy etish hamda raqobatbardosh mahsulotlar ishlab chiqarishga qaratilgan ustuvor rejalar borasida ham fikr almashildi.