20.11.2024. Маълумки, 2017 йилдан буён ҳар бир ҳудуддан бир талабага касаба уюшмалари стипендияси ажратилиб келинмоқда. Шунингдек, бир талаба касаба уюшмалари тизимидаги санаторийда ўз соғлиғини тиклаш имконига эга.

Куни кеча Ўзбекистон касаба уюшмалари Федерацияси Хоразм вилояти кенгашининг 2024 йил 30 сентябрдаги «Олий таълим муассасаларида таҳсил олаётган фаол ёшларга касаба уюшмалари стипендияси ҳамда касаба уюшмаси аъзоси бўлган фаол ёшлар учун санаторийларга бепул йўлланма ажратишга номзодларни тавсия этиш тўғрисида»ги ижроия қўмита қарори асосида вилоятдаги барча олий ўқув юртларидан номзодлар саралаб олинди.

Бу юзадан ўтказилган комиссия йиғилиши қизғин-баҳс мунозараларга бой бўлди. Ҳар бир номзод ҳужжатлари низомда белгиланган талаблар асосида таҳлил қилинди.
Шу асосда энг муносиб номзодлар тақдим этилди.