22.07.2019. Тошкент вилояти касаба уюшма ташкилотлари бирлашмаси кенгаши ташаббуси билан ҳудуддаги муассаса ва ташкилотларда меҳнат қилувчи ходимлардан бир гуруҳи Хоразм вилоятига саёҳатга олиб борилди.

Хивадаги Ичан қалъа, Урганч­даги Авесто боғи, Жалолиддин Мангуберди мажмуаси саёҳатчиларда катта таассурот қолдирди.
– Ўтмишга бориб қолгандай ҳис қилдим ўзимни, – дейди Бўка туманидаги 29-умумтаълим мактаби ўқитувчиси Г.Юсупова. – Қадимий обидалар, муқаддас қадамжоларни зиёрат қилар эканман, беихтиёр қалбимда бой тарихимиз, буюк аждодларимиз қолдирган бетакрор меросдан фахр-ифтихор туйғулари жўш урди. Қолаверса, Урганч шаҳридаги «Хоразм Палас» меҳмонхонасидаги шарт-шароитлардан мамнун бўлдик. Бундай эътибор учун давлатимизга ҳамда Ўзбекистон касаба уюшмалари Федерациясига миннатдорлик билдирамиз.

Шаҳноза Аҳмедова
Тошкент вилояти касаба уюшма ташкилотлари бирлашмаси кенгаши раисининг ёшлар масалалари бўйича маслаҳатчиси