08.11.2024. Самарқанд шаҳрида “Afrosiyob Palace” меҳмонхонасида Ўзбекистон давлат муассасалари ва жамоат хизмати ходимлари касаба уюшмаси Самарқанд вилоят кенгаши томонидан 11-ноябр – Ўзбекистон Касаба уюшмалари куни муносабати билан вилоят, туман ва шаҳар ҳокимликлари ходимлари ўртасида “Заковат” интеллектуал ўйини ташкил этилди. “Заковат” интеллектуал ўйинида 16 та жамоа иштирок этди.

Тадбирни Ўзбекистон касаба уюшмалари Федерaциясининг Самарқанд вилоят кенгаши раиси Сухроб Рафиков очиб берди. Кенгаш раиси ўз сўзида касаба уюшмалари томонидан ёшларни қўллаб-қувватлаш, уларга яратилаётган имкониятлар ва имтиёзлар, уларнинг ижтимоий-иқтисодий манфаатларини муҳофаза қилиш бўйича амалга оширилаётган ишлар тўғрисида атрофлича маълумот берди.

Қизиқарли савол ва жавоблар, муросасиз бахсларга бой тарзда ўтган ўйинда ғолиблик  Пастдарғом тумани жамоасига, 2-ўрин Булунғур тумани жамоасига, 3-ўрин Нуробод ҳамда Каттақўрғон тумани жамоаларига насиб этди.

Ғолиб ва совриндорларга касаба уюшмаларининг диплом ва эсдалик совғалари топширилди.